სასტუმრო ”ლეოგრანდში” მომუშავე 24 წლის რუსლან შავაძემ ხანძრის დროს რამდენიმე ადამიანის სიცოცხლის გადარჩენა მოახერხა.
როგორც ”ჯი-ეიჩ-ენისთვის” გახდა ცნობილი, შავაძე სასტუმროში ფიტნეს მწრთვნელად მუშაობდა. ხანძრის დროს ის დარბაზში რამდენიმე ადამიანთან ერთად იმყოფებოდა, მან ძლიერი დაკვამლიანებიდან ადამიანების უვნებლად გაყვანა შეძლო.
როგორც ბათუმელები ჰყვებიან, შავაძემ დარბაზში მყოფი ადამიანები ლიფტის საშუალებით გაიყვანა გარეთ. ის ერთ-ერთი ბოლო იყო, ვინც ლიფტით სარგებლობა შეძლო.
