ბერი გაბრიელ სალოსის ქუჩაზე, სპეცოპერაციისას დაღუპულ ვანო გოლოშვილს ხვალ, მუხათგვერდის ძმათა სასაფლაოზე დაკრძალავენ. დაკრძალვამდე გარდაცვლილს ქაშვეთის ტაძარში გადაასვენებენ, სადაც სამოქალაქო პანაშვიდი გაიმართება.
ვანო გოლოშვილს ტაძრიდან 14:00 საათზე გამოასვენებენ.
დაღუპული გაბრიელ სალოსის ქუჩაზე ანტიტერორისტული სპეცოპერაციის დროს მძიმედ დაიჭრა, ის ინგოროყვას კლინიკაში გადაიყვანეს. ექიმების განმარტებით, დაჭრილ სპეცრაზმელს სიცოცხლესთან შეუთავსებელი ტრავმები ჰქონდა და მისი გადარჩენა ვერ მოხერხდა.
გოლოშვილი 42 წლის ასაკში დაიღუპა. მას 28 წლის მეუღლე, თამუნა ხელაია და 2 შვილი დარჩა – 3 წლის გიორგი და 5 წლის მარიამი.
შეგახსენებთ, რომ 21-22 ნოემბერს, გაბრიელ სალოსის გამზირზე ჩატარებული სპეცოპერაციის შედეგად დაიღუპა ერთი და დაიჭრა 4 სამართალდამცველი. დაჭრილთაგან ორი სუს-ის, ორი კი შსს-ს განსაკუთრებულ დავალებათა დეპარტამენტის თანამშრომელია.
სპეცოპერაციის შედეგად დაკავებულია დანაშაულებრივი ჯგუფის 1 წევრი და ლიკვიდირებულია - 3.
