"ერთიანი ნაციონალური მოძრაობა" მწუხარებას გამოთქვამს ბათუმში მომხდარი ტრაგედიის გამო.
"ვუსამძიმრებთ ხანძრის შედეგად გარდაცვლილთა ოჯახის წევრებსა და ახლობლებს. შემთხვევის დროს დაშავებულებს კი გამოჯანმრთელებას ვუსურვებთ", - ნათქვამია განცხადებაში.
ცნობისთვის, საქართველოს შინაგან საქმეთა სამინისტროს ბოლო ინფორმაციით, ბათუმში, სასტუმრო "ლეო გრანდში" გაჩენილი ხანძრის შედეგად 11 ადამიანი, მათ შორის 10 საქართველოს, ხოლო 1 ირანის მოქალაქე დაიღუპა.
უწყების ინფორმაციით, მომხდარ ფაქტთან დაკავშირებით, გამოძიება საქართველოს სსკ-ს 243-ე მუხლის მე-3 ნაწილით მიმდინარეობს.
