აჭარის სოფლის მეურნეობის სამინისტროს დაფინანსებამ ექვს თვეში 1 მლნ 17 ათასი ლარი შეადგინა. 2010 წლის ორ კვარტალში უწყებისათვს რესპუბლიკური ბიუჯეტით გამოყოფილმა დაზუსტებულმა ასიგნებებმა 1 მლნ. 161 ათასი ლარი, ხოლო ფაქტიურმა დაფინანსებამ - 1 მლნ. 17 ათასი ლარი შეადგინა, რაც გეგმის 87,6 პროცენტია.
სოფლის მეურნეობის სამინისტროს აპარატისათვის საანგარიშო პერიოდში რესპუბლიკური ბიუჯეტით გამოყოფილმა დაზუსტებულმა ასიგნებებმა 413 ათასი ლარი, ხოლო ფაქტიურმა დაფინანსებამ - 344,7 ათასი ლარი შეადგინა, რაც გეგმის 83,7 პროცენტია.
სოფლის მეურნეობის სამინისტროს 2010 წლის ორ კვარტალში ხარჯების მუხლის დაფინანსებამ 334,3 ათასი ლარი, ხოლო არაფინანსური აქტივების მუხლის დაფინანსებამ 10,5 ათასი ლარი შეადგინა.
