საქართველოს პრეზიდენტმა მიხეილ სააკაშვილმა საქართველო-აზერბაიჯანს შორის საგზაო მაგისტრალის მშენებლობაზე ისაუბრა. როგორც სააკაშვილმა თავის აზერბაიჯანელ კოლეგასთან, ილჰამ ალიევთან შეხვედრის დასრულების შემდეგ ერთობლივ პრესკონფერენციაზე განაცხადა, 2012 წლის ბოლოს აზერბაიჯანთან საგზაო მაგისტრალის მშენებლობა უკვე დასრულდება.
"ბაქოდან ბათუმის მიმართულებით ავტობანის მშენებლობა ხორცილდება, რომლის საშუალებითაც 2012 წელს აზერბაიჯანის გზის ოთხხაზიანი ნაწილი ჩვენამდე მოვა. ასევე 2012 წლის ბოლომდე აზერბაიჯანის საზღვრამდე მივა ჩვენი ოთხხაზიანი გზაც, რაც იმას ნიშნავს, რომ რუსთავი თბილისის გარეუბანი ხდება, რადგანაც დედაქალაქიდან რუსთავამდე ჩასვლა 7-8 წუთში გახდება შესაძლებელი, ხოლო აზერბაიჯანის საზღვარზე კი 20 წუთში მივალთ, სადაც ბაქოს მაგისტრალს შეუერთდებით", - განაცხადა სააკაშვილმა.
მისივე თქმით, ბაქო-ბათუმის მაგისტრალი, რომელიც აზერბაიჯანს სტამბულთან დააკავშირებს ძალიან მნიშვნელოვანია ორივე ქვეყნისთვის.
