რამდენიმე წუთში, თბილისის საქალაქო სასამართლოში დემირელის კოლეჯის მენეჯერის, მუსტაფა ემრე ჩაბუქის საქმის არსებითი განხილვა დაიწყება.
დღეს სასამართლო ჩაბუქისთვის და მისი ოჯახისთვის სტატუსის მინიჭების საკითხის განხილვას დაასრულებს.
როგორც "ჯი-ეიჩ-ენს" სასამართლოში შესვლამდე ჩაბუქის მეუღლემ, თუბა ჩაბუქმა განუცხადა, თუ სასამართლო დემოკრატიულია, გადაწყვეტილება სამართლიანი იქნება.
"თუ დემოკრატიული სასამართლოა, სამართლიან გადაწყვეტილებას გამოიტანს", - განაცხადა თუბა ჩაბუქმა.
შესაძლოა, მოსამართლემ დღეს ლტოლვილის სტატუსის მინიჭებასთან დაკავშირებით მიღებული გადაწყვეტილება გამოაცხადოს.
