17-18 ნოემბერს, საქართველოს კონკურენციის სააგენტოს ინიციატივით და ორგანიზებით ტარდება პირველი საერთაშორისო სამეცნიერო-პრაქტიკული კონფერენცია - კონკურენციის პოლიტიკა: თანამედროვე ტენდენციები და გამოწვევები.
17 ნოემბერს, საქართველოს კონკურენციის სააგენტოს თავმჯდომარე, ნოდარ ხადური ბელარუსის, ესტონეთის, ლატვიის, მოლდოვას, ჩეხეთისა და რუმინეთის კონკურენციის უწყებების ხელმძღვანელებთან ერთად ურთიერთთანამშრომლობის მემომანდუმს აწერს ხელს.
ღონისძიებას 20-ზე მეტი მეგობარი ქვეყნის წარმომადგენელი და ორასამდე მონაწილე ესწრება, მათ შორის: ადგილობრივი და საერთაშორისო ორგანიზაციების, სხვადასხვა ქვეყნის კონკურენციის უწყებების, საქართველოს მთავრობის, პარლამენტის, უზენაესი სასამართლოს, აკადემიური წრეებისა და არასამთავრობო ორგანიზაციების მაღალი რანგის პირები.
კონფერენციაზე სიტყვით გამოდიან: საქართველოს კონკურენციის სააგენტოს თავმჯდომარე, ნოდარ ხადური; ივანე ჯავახიშვილის სახელობის თბილისის სახელმწიფო უნივერსიტეტის რექტორი, გიორგი შარვაშიძე; საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი, დიმიტრი ქუმსიშვილი; საქართველოს განათლებისა და მეცნიერების მინისტრი, მიხეილ ჩხენკელი; საქართველოს უზენაესი სასამართლოს თავმჯდომარე, ნინო გვენეტაძე; ევროპის რეკონსტრუქციისა და განვითარების ბანკის (EBRD) დირექტორი სამხრეთ კავკასიაში, მოლდოვასა და ბელარუსში, ბრუნო ბალვანერა; ევროპის რეკონსტრუქციის და განვითარების ბანკი, ოპერაციული ხელმძღვანელი, ლორენცო ჩიარი; ევროკავშირის პროექტის “საქართველოს კონკურენციის სააგენტოს მხარდაჭერა”, B&S Europe -ს დირექტორი, რაფაელ კომენჟი.
კონფერენციაში ასევე მონაწილეობენ: ჯორჯ ვაშინგტონის უნივერსიტეტის სამართლის სკოლის პროფესორი, ვილიამ კოვაჩიჩი; ავსტრიის კონკურენციის ფედერალური ორგანოს გენერალური დირექტორი, თეოდორ თანერი; ბელარუსის რესპუბლიკის ანტიმონოპოლიური რეგულირებისა და ვაჭრობის მინისტრი, ვლადიმირ კოლტოვიჩი; ესტონეთის რესპუბლიკის კონკურენციის ორგანოს გენერალური დირექტორი, მერტ ოტსი; თურქეთის კონკურენციის ორგანოს ვიცე პრეზიდენტი, კიურშანტ უნლუსოი; ლატვიის რესპუბლიკის კონკურენციის საბჭოს თავმჯდომარე, სკადიტა აბრამა; მოლდოვის რესპუბლიკის კონკურენციის საბჭოს პრეზიდენტი, ვიორიკა კარარე; პოლონეთის კონკურენციისა და მომხმარებელთა დაცვის ოფისის პრეზიდენტი, მარეკ ნიეჩციალ; რუმინეთის კონკურენციის საბჭოს პრეზიდენტი, ბოგდან მარიუს ჩირიტოიუ; სომხეთის რესპუბლიკის ეკონომიკური კონკურენციის დაცვის სახელმწიფო კომისიის თავმჯდომარე, არტაკ შაბოიანი; უკრაინის ანტიმონოპოლიური კომიტეტის თავმჯდომარე, იური ტერენტიევი; ჩეხეთის რესპუბლიკის კონკურენციის დაცვის ოფისის თავმჯდომარე, პეტრ რაფაჯი და ა.შ.
პირველი საერთაშორისო სამეცნიერო-პრაქტიკული კონფერენციის ორგანიზატორები, საქართველოს კონკურენციის სააგენტოსთან ერთად, არიან: ივანე ჯავახიშვილის სახელობის თბილისის სახელმწიფო უნივერსიტეტი, ევროპის რეკონსტრუქციისა და განვითარების ბანკი, IOS Partners, Inc და საქართველოს კონკურენციის ინსტიტუტი.
