მერიის განახლებულ შემადგენლობაზე ახალი მოწვევის საკრებულო 16 ნოემბრის სხდომაზე იმსჯელებს. ვიცე-მერისა და მერის მოადგილეების დასახელების შემდეგ, მერიის 13 სამსახურის ხელმძღვანელსა და ათ გამგებელს მერი 15 ნოემბერს წარადგენს.
საკრებულოს სხდომაზე მსჯელობის შემდეგ, ადგილობრივი თვითმმართველობის დეპუტატები დედაქალაქის მთავრობისთვის ნდობის გამოცხადების საკითხს განიხილავენ. ამის შემდეგ თბილისის მერიის სამსახურები და გამგეობა განახლებული ხელმძღვანელობით შეუდგება უფლებამოსილების განხორციელებას.
დედაქალაქის მერმა კახა კალაძემ ვიცე-მერი და მერის მოადგილეები დღეს წარადგინა.
