"ნაციონალური მოძრაობის" ინფორმაციით, თბილისის საკრებულოს დეპუტატი "ქართული ოცნებიდან" რიმა ბერაძე, ოზურგეთში გადასატან ყუთს დაჰყვება.
ენმ-ის თქმით, ეს ფაქტი საარჩევნო კანონმდებლობის უხეში დარღვევაა და მომხდართან დაკავშირებით რეაგირებას ითხოვენ.
„დამირეკა ერთ-ერთმა დამკვირვებელმა, ვინც გადასატან ყუთს მიჰყვებოდა უბანზე და მითხრა, რომ ქალბატონი რიმა ბერაძე, თბილისის საკრებულოს დეპუტატი უშლიდათ მათ ხელს იმაში, რომ ადამიანებს სახლში, სადაც გადასატანი ყუთი იყო მიტანილი, არ უნდა შემოეხაზათ 42 და უნდა შემოეხაზათ 41. მე დავინტერესდი ამ ფაქტით, მივადექი ერთ-ერთ უბანს, სადაც ქალბატონი რიმა ბერაძე იყო და აღმოჩნდა, რომ ხალხი შეკრებილი ყავდა და უტარებდა აგიტაციას, თუ როგორ უნდა გაიმარჯვოს ქართულმა ოცნებამ, რაც ვფიქრობ, არის დარღვევა,“ - აცხადებს ენმ-ს წარმომადგენელი, ბესიკ ქათამაძე.
თავად რიმა ბერაძის მტკიცებით კი ეს ინფორმაციაა არასწორია.
„ეს არასწორი ინფორმაციაა, "ნაციონალური მოძრაობის" მიერ გავრცელებული. მე ნამდვილად ვიყავი ნასაკირალში, მაგრამ გადასატან ყუთთან შეხება არ მქონია,“ - განუცხადა დეპუტატმა "რუსთავი2"-ს.
