სამთავრობო ცვლილებებთან დაკავშირებით, პრემიერ-მინისტრი განცხადებას ხვალ გააკეთებს, - ამის შესახებ აპარლამენტო უმრავლესობის ერთ-ერთმა ლიდერმა მამუკა მდინარაძემ განაცხადა. მისი თქმით, ამ საკითხებთან დაკავშირებით მსჯელობა მმართველ გუნდში წუთებშიც მიმდინარეობს.
,,ამ ეტაპზე სხვა კომენტარისგან, ალბათ, თავი უნდა შევიკავოთ. პარტიის ხელმძღვანელობასთან არის კონსულტაციები ამ საკითხთან დაკავშირებით. პარტიის ხელმძღვანელობა მსჯელობს გარკვეულ საკითხებზე. კონკრეტული დეტალების დაზუსტება ამ ეტაპზე არ შემიძლია. დავუტოვოთ საქართველოს პრემიერ-მინისტრს, პარტიის ლიდერს იმის უფლება, რომ ხვალ თავად გააკეთოს განცხადება“, - განაცხადა მდინარაძემ.
არსებული ინფორმაციით, კონსულტაციები „ქართული ოცნების“ ოფისში დღესვე გაგრძელდება.
