ოლიმპიური და პარაოლიმპიური თამაშების ექსკლუზიურმა პარტნიორმა ტექნოლოგიების სფეროში - Visa-მ (NYSE: V), დღეს სამი კომერციულად ხელმისაწვდომი პორტატული გადახდის მოწყობილობა წარმოადგინა.

სპეციალურად ზამთრის ოლიმპიური თამაშებისთვის Visa-მ  უკონტაქტო (NFC) გადახდის ხელთათმანები, სამახსოვრო სტიკერები და ოლიმპიური გულსაბნევები შექმნა, რომლებიც გულშემატკივრებს და სპორტსმენებს შესაძლებლობას აძლევს განახორციელონ შეუფერხებელი და უსაფრთხო გადახდები  ნებისმიერი უკონტაქტო ანგარიშსწორებისას.

„ჩვენ მოუთმენლად ველით, ფხიონჩხანის ოლიმპიურ თამაშებზე დამსწრე ნებისმიერ ადამიანს შევთავაზოთ დაუვიწყარი გამოცდილება გადახდების სფეროში. იმისთვის, რომ ოლიმპიური თამაშების სტუმრებს ჰქონოდათ საუკეთესო გამოცდილების მიღების შესაძლებლობა, Visa დაუღალავად მუშაობდა, რომ ყველა ოლიმპიური ობიექტი აღჭურვილი ყოფილიყო გადახდის უახლესი საშუალებებით“, განაცხადა Visa-ს სამხრეთ კორეის რეგიონალურმა მენეჯერმა ლაინ იამიესონმა.

Visa-ს და „Lotte Card “-თან  (რომელიც სამხრეთ კორეაში რეგისტრირებული საცალო ვაჭრობის გიგანტის „Lotte Department Store“-ს ფინანსურ ქვედანაყოფს წარმოადგენს) თანამშრომლობის შედეგად ახალი წინასწარი გადახდის აქსესუარების შეძენა სამხრეთ კორეაში 9 ნოემბრიდან  იქნება შესაძლებელი. პროდუქტების შესახებ:

• სამახსოვრო ოლიმპიური გულსაბნევი: ოლიმპიურ თამაშებზე სამახსოვრო გულსაბნევების შეგროვების ტრადიცია Visa-ს შთაგონების წყაროდ იქცა, რის შედეგადაც მან ბაზარზე შემოიტანა ოთხი უნიკალური გულსაბნევი, რომლებზეც გამოსახულია ფხიონჩხანის 2018 წლის დიზაინი. გადახდის ფუნქციის მქონე სუვენირების გამოყენება ადგილზე იქნება შესაძლებელი და ის განკუთვნილია გულშემატკივრებისა და სპორტსმენებისთვის. თითოეული გულსაბნევის ღირებულება 5000 სამხრეთ კორეული ვონია, რასაც ემატება სასურველი წინასწარ გადახდილი თანხა 30,000 ან 50,000 სამხრეთ კორეული ვონის ოდენობით.
• გადახდის ფუნქციის მქონე ხელთათმანები: ფხიონჩხანში საშუალო ტემპერატურა – 4.8°C-ს შეადგენს, შესაბამისად, ხელთათმანი აუცილებელი აქსესუარი იქნება. გადახდის ფუნქციის მქონე ხელთათმანის მეშვეობით გულშემატკივრები შეძლებენ უსაფრთხო გადახდის განხორციელებას, ისე რომ ხელები არ გაეყინებათ. ხელთათმანებს ჩამონტაჟებული აქვს ორმაგი ინტერფეისის მიკროსქემა უკონტაქტო ანტენასთან ერთად, რომლითაც შესაძლებელია შესყიდვების განხორციელება ოფიციალურ ოლიმპიურ ობიექტებზე და თავსებადი წამკითხველების მეშვეობით მსოფლიოს მასშტაბით. ხელთათმანები გაიყიდება მასზე მოთავსებული წინასწარი გადახდის თანხით, 30,000  ან 50,000 სამხრეთ კორეული ვონის ოდენობით.
• სტიკერი: თხელი და მოქნილი წებოვანი დიზაინის, ჩამონტაჟებული უკონტაქტო (NFC) ორმაგი ინტერფეისის მიკროსქემისა და ანტენის მეშვეობით ამ მიკროეტიკეტების მიწებება თითქმის ყველა ნივთზე შეიძლება, შეუფერხებელი წამიერი გადახდების განსახორციელებლად. პორტატული სტიკერი ხელმისაწვდომია 30,000, 50,000, 100,000, 200,000 სამხრეთ კორეული ვონის ნომინალში. კოლექცია მოიცავს 8 განსხვავებულ დიზაინს, მათ შორის ვეფხვ სუჰორანგს, რომელიც 2018 წლის ფხიონჩხანის ოლიმპიური თამაშების ოფიციალური სიმბოლოა – სამხრეთ კორეულ დროშას და სხვ.

„როგორც ზამთრის ოლიმპიური თამაშების მონაწილისთვის, ჩემთვის მნიშვნელოვანია ისეთ ბრენდთან მუშაობა, როგორიცაა Visa.  ის არა მხოლოდ  მხარს უჭერს სპორტსმენებს, არამედ ასევე დაუვიწყარ გამოცდილებას სთავაზობს ოლიმპიურ თამაშზე დამსწრე გულშემატკივრებს. ოლიმპიური გულსაბნევი ყოველთვის ყველაზე სასურველი სუვენირია, ხოლო Visa-ს  სუვენირები კიდევ უფრო განსაკუთრებულია“, აცხადებს ოლიმპიური ოქროს მედლის მფლობელმა  და Visa-ს გუნდის სპორტსმენმა აშშ - დან მიქაელა შიფრინი.

9 ნოემბრიდან სტიკერების და გულსაბნევების შეძენა შესაძლებელი იქნება "Lotte Card“-ის მომხმარებელთა ცენტრებსა და "Lotte Card“-ის ვებგვერდზე. თამაშების დროს სამივე პორტატული მოწყობილობა ასევე ხელმისაწვდომი იქნება ოლიმპიურ მაღაზიებში, რომლებშიც განთავსებული იქნება Visa-ს  სავაჭრო აპარატები.

„სამხრეთ კორეაში გავიზარდე და ვამაყობ, რომ ჩემი მშობლიური ქვეყანა 2018 წლის ოლიმპიურ თამაშებს მასპინძლობს, ამიტომ მე გამოვიყენებ ამ შესაძლებლობას, რომ Visa-ს  გადახდების ინოვაციები დანარჩენ მსოფლიოს გავაცნო“, განაცხადა სამხრეთ კორეის ციგურებით სირბილის გუნდის და Visa-ს  გუნდის სპორტსმენმა,  სეუნგ-ჰი პარკმა.  „მაშინაც კი როდესაც ცივა, ეს ხელთათმანები მარტივი გადახდის შესაძლებლობას იძლევა“.

პორტატულ აქსესუარებთან ერთად კომპანია Visa - ოლიმპიური თამაშების პარტნიორი ექსკლუზიური გადახდების მიმართულებით, გადახდების სრული სისტემის ინფრასტრუქტურას და ქსელს მართავს ოლიმპიური თამაშების ყველა ობიექტზე. ეს მოიცავს 1,000-ზე მეტ POS ტერმინალს, რომლითაც შესაძლებელია მობილური და პორტატული გადახდების განხორციელება.

გადახდების ინდუსტრიის პლასტიკური ბარათებიდან ციფრულ ტექნოლოგიებზე გადასვლის ტენდენციის ზრდასთან ერთად, Visa-ს და მისი პარტნიორების ტექნოლოგიური მიღწევები მომხმარებლებს მარტივ და უსაფრთხო შესყიდვის შესაძლებლობას სთავაზობს.