იმ ადამიანების რაოდენობა, ვინც ვროკავშირში უვიზოდ მიმოსვლის პროცედურები სავარაუდოდ დაარღვია 6 პროცენტია, - განაცხადა SIDA-ს აღმასარულებელმა დირექტორმა ზვიად დევდარიანმა ევროკავშირთან უვიზო მიმოსვლის შვიდი თვის შედეგების შეჯამებისას.
ნატო-სა და ევროკავშირის შესახებ საინფორმაციო ცენტრში გამართულ შეხვედრაზე მან ასეე განაცხადა, რომ დამრღვევთა რიცხვი საგანგაშო არ არის, თუმცა იძლევა საფუძველს, ,,საინფორმაციო კამპანიები ვაწარმოოთ მათ შორის იმ რეგიონებში, საიდანაც ყველაზე მეტი ადამიანი წავიდა და უკან აღარ დაბრუნდა. მოსახლეობამ უნდა იცოდეს, რომ სამწუხაროდ, შესაძლოა უვიზო მიმოსვლა შეჩერდეს".
მისივე განმარტებით, ყოველთვიური ანალიზი არ არსებობს.
,,თუმცა მაგალითად, მოლდოვაში იმ ადამიანების რაოდენობა, ვინც დატოვა ქვეყანა და უკან არ დაბრუნდა, იყო 16%. ჩვენთან არის 6%, ანუ შედარება გვაძლევს საფუძველს ითქვას, რომ მონაცემები არ არის საგანგაშო, თუმცა მეორე მხრივ, დამრღვევთა სავარაუდო რაოდენობა ყველა უწყებას უბიძგებს მოქმედებისკენ. გამოიკვეთა, რომ თბილისი, ასევე იმერეთის ქალაქებია ის ქალაქები, სადაც ყველაზე მაღალია პროცენტი ადამიანების, რომლებმაც, სავარაუდოდ, დაარღვიეს უვიზოდ მიმოსვლის პროცედურები", - აღნიშნა დევდარიანმა.
