ბიზნეს-საკონსულტაციო კომპანია „EXPERTO“-მ, რომელმაც საქართველოს ბაზარზე შესვლისთვის საჭირო სერვისების განხორციელება პირველმა დაიწყო - განაცხადა, რომ საფრანგეთში დაფუძნებულ წყალქვეშა კვლევებისა და მონიტორინგის სისტემების მწარმოებელ ფრანგულ კომპანია „ECA Group“-ს წარმომადგენლობით მომსახურებას გაუწევს საქართველოს ბაზარზე.
„კომპანია „ECA Group“-ი წყალქვეშა კვლევების, მონიტორინგის, დასუფთავებისა და რეაგირების ტექნოლოგიების გამოყენების ნოვატორადაა აღიარებული. მათი წყალქვეშა და რობოტული სისტემების ნიმუშები საქართველოში არაერთ სექტორშია გამოსადეგი, მათ შორის: ნავთობისა და გაზის, წყლის, ჰიდროენერგეტიკის, პორტის დეველოპერებისა და მენეჯმენტისა და სხვა შავი ზღვის სანაპიროზე მოქმედი დაწესებულებების მიერ.“ - განაცხადა ლუდვიკ ჟირომ, „EXPERTO“-ს დამფუძნებელმა და მმართველმა დირექტორმა.
„ჩვენი სისტემები დაეხმარება ქართულ კომპანიებსა და ხელისუფლებას პროდუქტიულობის გაზრდაში, ხარჯების შემცრებაში, უსაფრთხოების პირობების გაუმჯობესებასა და დროის დაზოგვაში, ღრმა წყლებში და/ან მილსადენებში არსებული სიტუაციის კონტროლისა და მონიტორინგის სისტემის შექმნით. ჩვენ ვფიქრობთ, რომ საქართველოს, როგორც შავი ზღვის სანაპიროზე არსებულ საზღვაო ქვეყანას დიდი რესურსები გააჩნია და ქართული ბაზარი მზადაა იმისთვის, რომ გამოიყენოს ჩვენს მიერ შეთავაზებული ახალი ტექნლოგიები. ჩვენ მოხარულები ვართ, რომ თანამშრომლობას ვიწყებთ „EXPERTO“-სთან, რომელიც დაიცავს ჩვენს ბიზნეს ინტერესებს რეგიონში.“ - განაცხადა ჰენრი დიულეველტმა, „ECA Group“-ის ექსპორტის გაყიდვების ხელმძღვანელმა.
„ECA Group“-ი წყალქვეშა რობოტების, დრონების და ავტომატური სისტემების, სიმულაციური და სამრეწველო პროცესების ექსპერტად მოიაზრება. 1936 წლიდან „ECA Group“-ი ანვითარებდა ტექნიკურ გადაწყვეტილებებს კომპლექსური მისიებისთვის, როგორიცაა: თავდაცვა, კოსმოსი, ენერგეტიკა, სიმულაციური, სამრეწველო აღჭურვილობის და საზღვაო სექტორები. კომპანია ფართო ასორტიმენტის უპილოტო და ავტონომიური მანქანებისა და რობოტების შეთავაზებით საშუალებას აძლევს დაინტერესებულ მხარეს, მოახდინოს სამოქმედო არეალის იდენტიფიცირება, გაზომვა და ანალიზი, ან სთავაზობს მათთვის ხელსაყრელ გამოსავალს, როგორც წყალქვეშ და ხმელეთზე, ასევე ჰაერშიც. www.ecagroup.com
