საავიაციო ტექნიკის მწარმოებელი უმსხვილესი კანადური კომპანია „Bombardier”-ი, წელს CRJ-ის პროგრამის ამოქმედებიდან 25 წლის იუბილეს აღნიშნავს.
Bombardier CRJ100/ CRJ200 და CRJ700/CRJ900/CRJ1000 წარმოადგენენ ვიწრო ფიუზელაჟის მქონე, ორძრავიან, მოკლე და საშუალო რადიუსზე ოპერირებად საჰაერო ხომალდებს.
”Canadair Challenger“-ის ბაზაზე შექმნილმა მოდელმა, 1992 წელს ტიპის სერტიფიკატი აიღო და ამავე წლიდან კომპანიამ პირველი სერიული თვითმფრინავების გამოშვება დაიწყო.
„Lufthansa CityLine” იყო პირველი ავიაკომპანია, რომელმაც 25 წლის წინ CRJ100 მიიღო. დღეისათვის CRJ ოჯახის რეგიონალური საჰაერო ხომალდები მსოფლიოს 90 ქვეყანაში ოპერირებენ.
საქართველოს სამოქალაქო საჰაერო ხომალდების სახელმწიფო რეესტრში ავიაკომპანია "Georgian Airways"-ის სამი ერთეული CL-600-2B19 (CRJ) ირიცხება.
