ციხისძირის უღელტეხილზე მანქანა, რომელშიც ნეფე-პატარძალი იმყოფებოდა, ტრაილერს დაეჯახა. გავრცელებული ინფორმაციით, დაშავებულია ორი ადამიანი, დაზიანებულია სამი მსუბუქი ავტომობილი და ერთი ტრაილერი.
დაშავებულები საავადმყოფოში სასწრაფო დახმარების ბრიგადის ადგილზე მისვლამდე გადაიყვანეს. ავარიის მიზეზად გადაჭარბებული სიჩქარე სახელდება. ადგილზე მუშაობენ საპატრულოსა და სასწრაფო დახმარების ჯგუფები. სასწრაფო დახმარებამ რამდენიმე პირს ადგილზე აღმოუჩინა დახმარება.
