2018 წლის ბიუჯეტით გარემოსა და ბუნებრივი რესურსების დაცვის სამინისტროსთვის 46 მლნ ლარის გამოყოფა იგეგმება. პროექტით გათვალისწინებულია დაცული ტერიტორიების რეინჯერების და ეროვნული ტყის სააგენტშო ტყის მცველების რაოდენობის ზრდა და ხელფასების მოწესრიგება.
გარდა ამისა, სამინისტროს გარემოსდაცვით ზედამხედველობის დეპარტამენტს ემატება 4 ეკიპიჟი და შესაბამისი რესურსი.
2018 წლის ბიუჯეტის პროექტის გადამუშავებული ვარიანტი დღეს პარლამენტს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა წარუდგინა.
