პარლამენტის საპროცედურო საკითხთა კომიტეტის თავმჯდომარე ხათუნა გოგორიშვილი რეზერვის შესახებ კანონპროექტის გარკვეულ მუხლებს დისკრიმინაციულად აფასებს და აქ აღნიშნულ ნორმას ანტიკონსტიუციურად მიიჩნევს. საუბარია კანონპროექტის იმ პრინციპზე, რომლის თანახმადაც რეზრევგავლილ პირს უპირატესობა მიენიჭება საჯარო სამსახურში დანიშვნის, ან გათავისუფლებისას. ამ პრინციპს ხათუნა გოგორიშვილი დისკრიმინაციულად აფასებს და მიიჩნევს რომ ან ნორმის გატარება იქნება დაუშვებელი, ხოლო ანტიკონსტიტუციურად აფასებს კანონპროექტის იმ პრინციპს, რომლის თანახმადაც პრეზიდენტი განსაზღვრავს იმ პროფესიათა ჩამონათვალს, სადაც უკონკურსოდ დაინიშნებიან რეზერვგავლილი პირები.
გოგორიშვილის თქმით, გარდა იმისა, რომ ეს მუხლიც არის დისკრიმინაციული პირდაპირ ეწინააღმდეგება კონსტიტუციას და აცხადებს, რომ საკითხის სესიაზე განხილვისას პარლამენტის საპროცედურო საკითხთა კომიტეტი აღნიშნული პრინციპების შეცვლას მოითხოვს. შეგახსენებთ რომ რეზრევის შესახებ კანონპროექტი მომზადებულია პარლამენტის იურიდიული კომიტეტის წარმომადგენლების ლაშა თორდიას, ზვიად კუკავასა და პარამენტის თავდაცვის და უშიშროების კომიტეტის წარმომადგენლის სამსონ ქუთათელაძის მიერ.
