უკრაინული ავიაკომპანია FlyUIA-ს Boeing 737-800 ბორისპოლის საერთაშორისო აეროპორტში საკვებ პროდუქტებზე ორიენტირებულ კომპანია Sky Food Services-ის სატვირთო ავტომობილს შეეჯახა. ავიალიანერს, საბორტო ნომრით UR-PSY, კიევი-ხარკოვის რეისი უნდა განეხორციელებინა. როგორც ავიაკომპანიაში განმარტავენ, FlyUIA-ს თვითმფრინავის ეკიპაჟმა საჰაერო ხომალდის ადგილიდან დაძვრის ნებართვა მიიღო, რა დროსაც მოხდა შეჯახება. გავრცელებული ინფორმაციით, შეჯახება შედარებით მსუბუქი იყო და თვითმფრინავის კორპუსს სერიოზული დაზიანება არ მიუღია. აღნიშნული ფაქტის გამო რეისი 2 საათიანი დაგვიანებით შესრულდა და ის სარეზერვო ბორტმა შეასრულა.
