ბრიტანულმა „ლოუკოსტერმა“ გაკოტრებულ გერმანულ ავიაგადამზიდავ Air Berlin-თან ხელშეკრულება გააფორმა, რომლის მიხედვითაც easyJet-ი Air Berlin-ის ბიზნესის ნაწილის მფლობელი გახდა, რომელიც ტეგელის აეროპორტშია აკუმულირებული.

პაკეტი მოიცავს 25 ერთეული A320-ის ლიზინგს და ასევე ტეგელის აეროპორტში აფრენა/დაფრენის ნებართვებს, რაც easyJet-ს 40 მლნ ევრო უჯდება.

როგორც Deutsche Welle წერს, easyJet-ი Air Berlin-ის 1000-მდე პილოტსა და ბორგამცილებელს აიყვანს.

შესაბამისად easyJet-ში ფიქრობენ, რომ ამ გზით ავიაკომპანია მოკლე დისტანციურ რეისებზე ბერლინის ავიაბაზრის ლიდერი გახდება.

სწორედ ტეგელიდან განახორციელებს easyJet-ი რეისებს როგორც ქვეყნის შიგნით ასევე ევროკავშირის წევრი სხვა ქვეყნების მიმართულებითაც.

Air Berlin-თან გარიგებამდე easyJet-ი ბერლინიდან რეისებს მხოლოდ შონენფელდის აეროპორტიდან ასრულებდა.

Air Berlin-სა და easyJet-ს შორის გარიგება შესაბამისი მარეგულირებლის თანხმობის შემდეგ დასრულდება, რაც სავარაუდოდ 2017 წლის ბოლომდე მოხდება.