"პატრიოტთა ალიანსის" საპროტესტო აქცია გრძელდება - პარტიის წევრები და მხარდამჭერები, ამ წუთებში, მთავრობის ადმინისტრაციისაკენ მიემართებიან.
ისინი 16:00 საათზე ვარდების მოედანზე შეიკრიბნენ, შემდეგ კი პარლამენტის შენობასთან გადაინაცვლეს.
„პატრიოტთა ალიანსის“ მთავარი მოთხოვნა საქართველოს პრემიერ-მინისტრის და მთავრობის გადადგომაა.
„გადადგეს ეს მატყუარა ხელისუფლება, რომელმაც უკვე ნეპოტიზმში, სიღარიბეში, სიღატაკეში კორუფციაში ჩაძირა მთელი ქვეყანა, რომელმაც ერთი კვირის წინ კიდევ ნათლად დაგვანახა, რომ ძალაუფლების უზურპაციას ახდენს არჩევნების გზით და სრულად გააკონტროლა ჩვენი ამომრჩევლის ნება, რაც კანონით დაუშვებელია. ჩვენ გვაქვს ჩამოყალიბებული 9 ძირითადი მოთხოვნა. ხელისუფლებამ ერთპარტიულადმიიღო კონსტიტუცია და თავს თავზე მოირგო ეს კონსტიტუცია, ხელისუფლება უმოქმედოა ტერიტორიული მთლიანობის აღდგენის კუთხით,“ - აცხადებს გოჩა თევდორაძე.
