მსოფლიო ბანკმა შეამცირა 2017 წელს ნავთობზე ფასის პროგნოზი 2 დოლარით 53 დოლარამდე/ბარელზე, ნათქვამია ორგანიზაციის მიერ გამოქვეყნებულ ანგარიშში.
"2017 წელს შემცირებულია ნავთობის ფასი საშუალოდ 2 დოლარით 53 დოლარამდე/ბარელზე, რაც 23,8 %-ით მაღალია გასულ წელთან შედარებით. სანავთობო ბაზარზე მარაგები მცირდება ძლიერი მოთხოვნილების, "ოპეკი +"-ის მონაწილეთა მიერ ნავთობის მოპოვების შეზღუდვისა და აშშ-ში ფიქალური ნავთობის მოპოვების სტაბილიზაციის პირობებში.
ასევე შემცირებულ იქნა ნავთობის ფასის პროგნოზი 2018 წელს 4 დოლარით 56 დოლარამდე/ბარელზე. "მოსალოდნელია, რომ ნავთობის ფასი 2018 წელს გაიზრდება 56 დოლარამდე/ბარელზე მიმდინარე წლის 53 დოლართან შედარებით".
მსოფლიო ბანკის ექსპერტთა მონაცემებით, ნავთობის ფასის პროგნოზი "შეცვლილ იქნა შემცირების მიმართულებით აპრილის თვის ანგარიშთან შედარებით. მიწოდებები ისეთი ნავთობმომპოვებელი ქვეყნებიდან, როგორებიცაა ლიბია, ნიგერია და ვენესუელა, შესაძლოა არასტაბილური იყოს. ოპეკის წევრი ქვეყნები და სხვა ნავთობმომპოვებელი ქვეყნები შესაძლოა შეთანხმდნენ ნავთობის მოპოვების შემდგომში შემცირებასთან დაკავშირებით, რათა გავლენა მოახდინონ ფასების ზრდაზე".
თუმცა, მსოფლიო ბანკი დარწმუნებულია, რომ თუ ეს ქვეყნები ვერ შეძლებენ ახალ შეთანხმებამდე მისვლას, თავის მხრივ კი აშშ-ში ფიქალური ნავთობის მოპოვება გაიზრდება, ნავთობის ფასი შესაძლოა შემცირდეს.
