საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი ბელარუსის რესპუბლიკის ელჩს საქართველოში მიხეილ მიატიკოვს შეხვდა, რომლის დროსაც განხილული იყო ორმხრივი სავაჭრო-ეკონომიკური ურთიერთობები.
შეხვედრაზე აღინიშნა, რომ ქვეყნებს შორის გაზრდილი სავაჭრო ბრუნვისა და ტურისტების რაოდენობის მიუხედავად, არსებობს მნიშვნელოვანი პოტენციალი, რათა სარგებელი ეკონომიკური თანამშრომლობისგან გაცილებით მნიშვნელოვანი იყოს. ასევე განხილული იქნა ორმხრივი ურთიერთობის სხვა პრიორიტეტული საკითხები.
