უკრაინის პრეზიდენტმა ყირიმელი თათრების ლიდერებს გათავისუფლება მიულოცა. ახმატ ჩიიგოზსა და ილმი უმაროვს პოროშენკო ტელეფონით ესაუბრა. ყირიმელი თათრების მეჯლისის ლიდერები რუსეთმა ანკარას გუშინ გადასცა. ეს მას შემდეგ მოხდა, რაც ჩიიგოზი და უმაროვი პუტინმა შეიწყალა. ჩიიგოზს მასობრივი არეულობების ორგანიზების ბრალდებით 8-წლიანი პატიმრობა ჰქონდა მისჯილი, უმაროვი კი 2-წლიან სასჯელს იხდიდა. გათავისუფლებულები მკურნალობის კურსს თურქეთში გაივლიან, რის შემდეგაც უკრაინაში დაბრუნდებიან. ჩიიგოზისა და უმაროვის ადვოკატები აცხადებენ, რომ პუტინისთვის შეწყალება არცერთ მსჯავრდებულს უთხოვია.
