საბერძნეთი გადატრიალების მომხრეებისთვის უსაფრთხო თავშესაფარი არ უნდა იყოს. ამის შესახებ თურქეთის საგარეო საქმეთა მინისტრმა ბერძენ კოლეგასთან შევხედრისას განაცხადა. ჩავუშოღლუმ ნიკოს კოტციასს ანკარაში უმასპინძლა. თურქეთის საგარეო უწყების ხელმძღვანელის განცხადებით, თურქეთში სამხედრო გადატრიალების მცდელობის შემდეგ 995 პირმა საბერძნეთს თავშესაფრის მოთხოვნით მიმართა. საბერძნეთის საგარეო საქმეთა მინისტრის თქმით კი, თავშესაფრის მინიჭებაზე გადაწყვეტილება საბერძნეთის სასამართლო სისტემამ მიიღო, რასაც ყველამ პატივი უნდა სცეს. თურქეთსა და საბერძნეთს ურთიერთობა მაისში დაეძაბათ, როცა ბერძნულმა სასამართლომ ანკარას 8 თურქი სამხედროს გადაცემაზე უარი უთხრა.
