დუბაიში „ჭკვიანი ძელსკამები“ დაამონტაჟეს, რომელიც მზის ენერგიაზე მუშაობს. როგორც ირკვევა მათი მონტაჟი დუბაის პოლიციის განყოფილებებთან მოხდა. პოლიციის მიერ Facebook-ზე განთავსებული ინფორმაციიდან ირკვევა, რომ გრძელი სკამები აღჭურვილია USB-პორტებით - ელექტრონული ტექნიკის დასამუხტად და ასევე Wi-Fi როუტერებით - ინტერნეტით სარგებლობისათვის.
ღამით აღნიშნული სკამები ანათებენ და ცხელ ამინდში გაგრილების ფუნქციასაც ასრულებენ.
დუბაის პოლიცია პროგრამა „ჭკვიანი ქალაქის“ ფარგლებში მსგავსი სკამების მონტაჟს ქალაქის სხვა ნაწილებშიც გეგმავს.
