საქართველოს ეროვნული ბანკის პრეზიდენტი ეროვნული ვალუტის მოკლევადიან რყევასთან შედარებით კომენტარს არ აკეთებს და აცხადებს, რომ ქვეყანაში მოქმედებს მცურავი გაცვლითი კურსი, რაც იმას ნიშნავს, რომ ლარის კურსი ხან მაღალ ხანაც დაბალ ნიშნულზე იქნება.
„სებ-ის მთავარი ფუნქცია ფასების სტაბილურობის შენარჩუნებაა. საქართველოში მოქმედებს მცურავი გაცვლითი კურსი. როგორც სხვა ქვეყნის ცენტრალური ბანკები ასევე სებ-ი არ გააკეთებს კომენტარს ეროვნული ვალუტის მოკლევადიან რყევებთან შედარებით. ამავე დროს მინდა ავღნიშნო, რომ გუშინ გავრცელდა ინფორმაცია, რომ სებ-მა წინასაარჩევნოდ გააკეთა ინტერვენცია, რაც მართალი არ არის. ზაფხულის შემდეგ სებ-ს ინტერვენცია არ განუხორციელებია და რაც განახორციელა ეს იყო მხოლოდ შესყიდვა“, აცხადებს კობა გვენეტაძე.
