საპარლამენტო უმრავლეობის წევრი ლევან კობერიძე ეროვნულ ბანკს მოუწოდებს, ლარის გაუფასურებასთან დაკავშირებით, განმარტება გააკეთოს და სწრაფად ჩაერიოს ვითარებაში.
„ბოლო დღეებში ოთხი პუნქტით მოხდა ლარის გაუფასურება, ეროვნული ბანკის პირდაპირი მოვალეობაა რომ ჩაერიოს და გააკეთოს განმარტება, რათა მოსახლოებაში არ გაჩნდეს პანიკა და არაჯანსაღი განცდა, რომ ეს პროცესები არჩევნებთანაა დაკავშირებული. კურსთან დაკავშირებით მოხდა რყევა და კიდევ ერთხელ მივმართავ ეროვნულ ბანკს, ადამიანები რომ არ შევიდნენ შეცდომაში და იცოდნენ რა ხდება ქვეყანაში, რასთან არის დაკავშირებული ეს კურსის რყევა, იმედს ვიტოვებ რომ ისინი უახლოეს პერიოდში გამოეხმაურებიან და გააკეთებენ განცხადებას, განმატებას, რაიმე შეფასებას ან ჩაერევიან“,- განაცხადა ლევან კობერიძემ.
ეროვნული ბანკის მიერ გამოქვეყნებული მონაცემების თანახმად, 24 ოქტომბერს ერთი ამერიკული დოლარის ღირებულება 2.4894 ლარია,
ერთი ევროს ღირებულება კი 2.9240 ლარი. რაც შეეხება სავაჭრო ჯიხურებს, აქ 1 დოლარის ღირებულებამ 2. 530 ლარი, 1 ევროს ფასმა კი, 2.970 ლარი შეადგინა.
