თბილისის ყუთებში და დალუქულ ურნებში დევს დიდი საიდუმლოება, თუ როგორ მოახერხა ივანიშვილის, ბოკერიასა და თარხან-მოურავის ალიანსმა არჩევნების გაყალბება, - ამის შესახებ "ლეიბორისტული პარტიის" ლიდერმა შალვა ნათელაშვილმა განაცხადა. ის საარჩევნო უბნების გახსნასა და ხმების თავიდან დათვლას ითხოვს.
"როგორც ცნობილია, ხელისუფლებამ უმთავრესი დარტყმა "ლეიბორისტულ პარტიაზე" მიიტანა, თუმცა საერთო ბარიერი გადავლახეთ. თბილისის ყუთებში და დალუქულ ურნებში დევს დიდი საიდუმლოება, თუ როგორ მოახერხა ივანიშვილის, ბოკერიასა და თარხან-მოურავის ალიანსმა არჩევნების გაყალბება. კატეგირიულად მოვითხოვთ, გაიხსნას თბილისის ყველა უბანი და ცენტრალიზებული წესით თავიდან გადაითვალოს ყველა ხმა",- განაცხადა ნათელაშვილმა.
მისი თქმით, "ლეიბორისტული პარტია" პროცედურულ მოქმედებებს მალე დაიწყებს.
