თიანეთის საოლქო–საარჩევნო კომისიის თავმჯდომარემ „რეგინფოს“ განუცხადა, რომ მათ ცესკოს ყველა საარჩევნო უბნის შემაჯამებელი ოქმები მიაწოდეს და საერთო ჯამში არჩევნები "ქართული ოცნებიდან“ მერობის კანდიდატმა ლელა ქიტესაშვილმა თამაზ მეჭიაურს მხოლოდ 4 ხმით მოუგო.
ცენტრალური საარჩევნო კომისიის მონაცემებით, N19 თიანეთის საარჩევნო ოლქში 20 საარჩევნო უბნიდან ვებგვერდზე 17 საარჩევნო უბნის მონაცემებია განთავსებული, რომლის მიხედვითაც 54.44% თამაზ მეჭიაურს აქვს, 45.56% კი ლელა ქიტესაშვილს.
თიანეთის საარჩევნო ოლქში სულ 10777 ამომრჩეველია. არჩევნებში მონაწილეობა 6198–მა ამომრჩეველმა მიიღო (57.51%).
მერის მანდატის პირველივე ტურში მოსაპოვებლად კანდიდატმა 50%-იანი ბარიერი უნდა გადალახოს.
