თურქული საავიაციო მრეწველობა ბევრად უფრო სწრაფად ფართოვდება, ვიდრე მისი გლობალური კონკურენტები, - ამის შესახებ თურქული ავიაკომპანიის, Onur Air-ის აღმასრულებელმა დირექტორმა განაცხადა.
როგორც ტეომან ტოსუნმა Anadolu-სთან საუბრისას განმარტა, თურქული საჰაერო სექტორი ყოველწლიურად 15 %-მდე ფართოვდება.
„ჩვენ გავხდით პირველი მოთამაშეები მსოფლიოში, შემდეგ წელს 12%-იან ზრდას ველოდებით“, - განაცხადა ტოსუნმა და დასძინა, რომ თურქული ავიაკომპანიები, მათ შორის Onur Air საერთაშორისო დონის პილოტებს წვრთნიან.
"Turkish Airlines მთელ მსოფლიოში დაფრინავს, კერძო სექტორი კი თურქეთში ტურიზმის პოპულარიზაციაში უმნიშვნელოვანეს როლს თამაშობს“, - აცხადებს ტეომან ტოსუნი.
