საქართველოს ენერგეტიკისა და წყალმომარაგების მარეგულირებელი ეროვნული კომისიის სხდომა ხმაურის ფონზე გაიმართა.
„ლეიბორისტული პარტიის“ თბილისის მერობის კანდიდატი გიორგი გუგავა სხდომაზე იმ დროს შევიდა, როდესაც კომისიის წევრები „ენერგოპრო ჯორჯიასა“ და „თელასის“ ხუთწლიან სამოქმედო გეგმას ისმენდნენ.
გიორგი გუგავას განცხადებით, სხდომაზე ტარიფის მატების საკითხის განხილვა იგეგმებოდა მას, ასევე, საუბარი სურდა ენერგეტიკის სფეროში „ქართული ოცნების“ თბილისის მერობის კანდიდატის კახა კალაძის შესაძლო გავლენებთან დაკავშირებით.
სემეკ-ის წარმომადგენლებმა ოპოზიციური პარტიის ლიდერს განუცხადეს, რომ კითხვების დასმის უფლება სხდომაზე მიმდინარე საკითხის დასრულების შემდეგ მიეცემოდა, რასაც გუგავას მხრიდან უარყოფითი რეაქცია მოჰყვა. საპასუხოდ კი, მას მანდატურებმა შეხვედრა იძულებით დაატოვებინეს.
