პარლამენტი ახალ სახალხო დამცველს, სავარაუდოდ, ნოემბერში აირჩევს. ამის შესახებ ჟურნალისტებს პარლამენტის თავმჯდომარე ირაკლი კობახიძემ განუცხადა.
,,ჯერ-ჯერობით აქტიური კონსულტაციები ამ საკითხთან დაკავშირებით არ ყოფილა. უახლოეს დღეებში დაიწყება კონსულტაციები და ნოემბრისთვის დასახელდება კანდიდატი და სავარაუდოდ, უკვე ნოემბრის თვეში იქნება არჩეული ახალი სახალხო დამცველი.
რაც შეეხება საკითხს, განიხილება თუ არა ახალ ომბუდსმენად პერსონალურ მომაცემთა დაცვის ინსპექტორის თამარ ქალდანის კანდიდატურა, პარლამენტის თავმჯდომარემ პირველი არხის კითხვის საპასუხოდ განაცხადა, რომ ამ თემაზე კონსულტაციები ჯერ არ დაწყებულა.
,,ამ ეტაპზე ვერაფერს გეტყვით, რაც შეეხება ქალბატონ თამარ ქალდანს, მე მას დიდ პატივს ვცემ, იქნებოდა ძალიან კარგი სახალხო დამცველი, თუმცა ჯერ-ჯერობით კონსულტაციები ამ საკითხზე არ გვქონია მმართველ გუნდში",- აღნიშნა კობახიძემ.
სახალხო დამცველს, უჩა ნანუაშვილს უფლებამოსილება 7 დეკმებერს ეწურება.
