ავიაკომპანიების Nordavia-სა და Red Wings-ის აქციონერებმა კომპანიების გაერთიანების გადაწყვეტილება მიიღეს. მხარეებმა კომპანიის კონსოლიდირების პროცესი უკვე დაიწყეს. გაერთიანების შემდეგ გაერთიანებული ჰოლდინგი 2018 წლისთვის 3,5 მლნ მგზავრის მომსახურებას გეგმავს. Nordavia და Red Wings-ი საავიაციო ალიანსის შექმნაზე უკვე მუშაობენ და ამისათვის ერთმანეთის სამარშრუტო ქსელს, ავიაბილეთების ჯავშნის სისტემასა და თვითმფრინავების პარკს იყენებენ.
აღსანიშნავია, რომ Nordavia და Red Wings-ი საქართველოს ბაზარზეც ოპერირებენ.
Nordavia ზაფხულის საავიაციო განრიგის პერიოდში ფრენებს სანქტ-პეტერბურგიდან ბათუმისა და თბილისის, ხოლო Red Wings-ი მოსკოვიდან ბათუმის მიმართულებით ასრულებდნენ.
