ენერგეტიკის მინისტრის მოადგილე გიორგი ჩიქოვანი, საერთაშორისო ენერგეტიკული სააგენტოს (IEA), საქართველოს ენერგეტიკის სამინისტროსა და ევროკავშირის ტექნიკური დახმარების პროგრამა EU4ENERGY-ის ორგანიზებით გამართულ ენერგოეფექტურობის საკითხებზე საერთაშორისო დონის საგანმანათლებლო პროგრამის გახსნის ოფიციალურ ცერემონიას დაესწრო.
"საერთაშორისო დონის ექსპერტები პროგრამის მონაწილეებს საკუთარ გამოცდილებას გაუზიარებენ. საქართველოში ენერგო მოხმარება დიდი ტემპით იზრდება, რაც ნიშნავს იმას, რომ ეკონომიკური აქტივობები იზრდება, ეკონომიკა წინ მიდის. ენერგო მოხმარების სწრაფი ზრდა ახალ გამოწვევებს ქმნის. ყველაფერი კეთდება იმისთვის, რომ გაიზარდოს ენერგო მიწოდება, რათა დაკმაყოფილდეს გაზრდილი ენერგო მოთხოვნა. ენერგო ეფექტურობის საკითხებზე საერთაშორისო დონის საგანმანათლებლო პროგრამა, წლების მანძილზე საფრანგეთში პარიზში იმართებოდა და ესაა პირველი შემთხვევა, როდესაც სხვა ქვეყანაში იმართება და ძალიან სასიხარულოა, რომ ეს ქვეყანა საქართველოა." - განაცხადა გიორგი ჩიქოვანმა.
საგანმანათლებლო პროგრამის ოფიციალური გახსნის ცერემონიაში მონაწილეობენ საქართველოს ეკონომიკისა და მდგარდი განვითარების მინისტრის მოადგილე ირმა ქავთარაძე, უკრაინის ენერგეტიკის მინისტრის მოადგილე ნატალია ბოიკო, სტატისტიკის ეროვნული სამსახურის, საერთაშორისო ორგანიზაციებისა და საერთაშორისო საფინანსო ინსტიტუტების მაღალი რანგის წარმომადგენლები.
საგანმანათლებლო კურსების მიზანია აღმოსავლეთ ევროპის, კავკასიისა და ცენტრალური აზიის ქვეყნების გადაწყვეტილების მიღების პროცესში, ენერგოეფექტურობის მიმართულებით სტატისტიკის, ტრანსპორტის, შენობების, მრეწველობის, განათებისა და ელექტროტექნიკის სფეროში ჩართული ახალგაზრდა პროფესიონალებისა და დაინტერესებულ მხარეთა კვალიფიკაციის ამაღლება.
საგანმანათლებლო პროგრამაში მონაწილეობენ, საქართველოს, აზერბაიჯანის, უკრაინის, მოლოდოვას, ბელარუსიის, სომხეთის, ყაზახეთის, უზბეკეთის, ტაჯიკეთისა და ყირგზეთის წარმომადგენლები.
ტრენინგებს ატარებენ დარგის საერთაშორისო დონის ექსპერტები. საგანმანათლებლო კურსი დატვირთულია ინტერაქტიული სალექციო კურსით, პრაქტიკული სამუშაოებითა და ვიზიტებით სხვადასხვა ობიექტებზე.
აღნიშნულ საგანმანათლებლო კურსები ყოველწიურად საფრანგეთში იმართებოდა, წელს კი ტრენინგს, რეგიონში პირველად საქართველო მასპინძლობს.
