ფონდ "ღია საზოგადოება - საქართველოს" მიერ ჩატარებული კვლევის თანახმად, გამოკითხული თბილისელების 56% მიიჩნევს, რომ ბოლო 3 წლის განმავლობაში დედაქალაქი არ ვითარდება სწორი მიმართულებით.
"ადგილობრივი არჩევნების წინ, ჩვენ ძალიან მნიშვნელოვნად მიგვაჩნდა გაგვეგო, თუ რა არის დედაქალაქის მოსახლეობის ძირითადი საჭიროებები. კვლევის შედეგად გამოჩნდა ძირითადი მიგნებები. თბილისელებისთვის განსაკუთრებით პრობლემურ საკითხებს წარმოადგენს სოციალური დაცვა, ახალი მშენებლობები, ავარიული შენობები, გამწვანება, საზოგადოებრივი წესრიგი და უსაფრთხოება. ასევე გვაქვს პოზიტიური შეფასებებიც, სადაც გამოჩნდა, რომ ქალაქი ტურისტრული ინფრასტრუქტურის კუთხით ვითარდება", - განაცხადა ფონდის დირექტორმა ქეთი ხუციშვილმა.
ორგანიზაციამ "თბილისის მოსახლეობის საჭიროებების" შესახებ კვლევის დროს 3000 მოქალაქე გამოკითხა.
