აზიური ფაროსანას იდენტიფიკაციის და არეალის დადგენის მიზნით, სურსათის ეროვნული სააგენტოს მცენარეთა დაცვის სპეციალისტებმა, თბილისის მერიასთან შეთანხმებით, პარკებში, ბაღებსა და ტყე-პარკებში სპეციალური მოსაზიდი ხაფანგები (ფერომონები) უკვე დაამონტაჟეს შემდეგ ადგილებში:
"ვაკის პარკი"; პარკი „მზიური"; "ვ.გოძიაშვილის სახ.პარკი"; "რიყის პარკი"; "ვეტერანთა, დასვენების და კულტურის პარკი(კიკვიძის პარკი)"; "დიღმის ტყე-პარკი"; "თბილისის ზღვის პარკი;" "დედა_ენის პარკი"; "9 აპრილის პარკი"; "9 მარტის პარკი"; "ვერის პარკი".
მონიტორინგის შედეგების გათვალისწინებით, მავნებლის გამოვლენის შემთხვევაში,თბილისის მერიასთან და გარემოს დაცვის სამინისტროსთან ერთად დაიგეგმება შესაბამისი ღონისძიებები.
ამასთან, გრძელდება სრულმასშტაბიანი მონიტორინგი. ამ ეტაპზე, მთელი ქვეყნის ტერიტორიაზე დამონტაჟებულია 21ათასი მოსაზიდი ხაფანგი და მოქმედებს ცხელი ხაზი (15-01).
