კონგოში დატყვევებული მფრინავის, სოსო ოსორაულის ძმა, გიორგი ოსორაული განცხადებას ავრცელებს.
"მოგესალმებით და მინდა მივაწვდინო ხმა,ყველა პოლიტიკურ პარტიას,პარლამენტარებს,ჟურნალისტებს და ტელევიზიებს, არასამთავრობოებს და ადამიანის უფლებათა დაცვის ორგანიზაციებს,დედებს და მამებს,სტუდენტებს და სკოლის მოსწავლეებს, ემიგრანტებს და მიგრანტებს,ომის ვეტერნებსა და სამხედროებს. ყველას გვყავს ოჯახის წევრი ემიგრაციაში, რადგან ამ ქვეყანაში დალხენილი ცხოვრება არ გვაქვს.მე მყავს ძმა, სოსო ოსორაული,რომელიც კონგოში ტყვეობაშია და საქართველოს სახელმწიფომ დაღუპულად გამომიცხადა.დღეს არ ვიცი რას აკეთებს ხელისუფლება,რომელიც უმოქმედობაშია.
მოგმართავთ ყველას თხოვნით, გამოხატოთ თანადგომა სოსო ოსორაულის მიმართ და 15 ოქტომბერს 14:00 საათზე თბილისში,საქართველოს საგარეო საქმეთა სამინისტროსთან შევიკრიბოთ,ერთი მოთხოვნით, დაუბრუნონ 4 მცირეწლოვან შვილს მამა!!დღეს არც ერთი ემიგრანტი,არ აქვს მნიშვნელობა სად იმყოფება,დაზღვეული არაფრით არის..არავის ვუსურვებ მსგავს ვითარებაში ყოფნას,მაგრამ როცა მთავრობა არაფერს აკეთებს თავისი,მოქალაქის ინტერესების დასაცავად ჩვენ ერთად,ვაიძულოთ რომ გადადგას შემდეგი ნაბიჯები..ჩვენი შეკრებით და მოთხოვნით ვაჩვენოთ მომავალ თაობას,რომ გასაჭირში ერთმანეთს არსად მივატოვებთ,დაე მომავალი თაობისთვის ვიყოთ მაგალითი..ვინც ვერ შეძლებს მოსვლას შეგიძლიათ ნებისმიერ ქალაქში თუ სოფელში დააფიქსიროთ თქვენი მოთხოვნა,სოციალურ ქსელში ან სხვა ნებისმიერი სახით "თავისუფლება სოსო ოსორაულს"!! უღრმესი მადლობა ყველას წინასწარ და გთხოვთ გააზიაროთ", - ნათქვამია გიორგი ოსორაულის მიმართვაში.
სოსო ოსორაულის ოჯახის წევრებმა რამდენიმე დღის წინაც გამართეს საგარეო საქმეთა სამინისტროსთან აქცია, თუმცა, უშედეგოდ. ოფიციალური უწყებებიდან ოჯახს ამ დრომდე არავინ შეხმიანებია.
შეგახსენებთ, რომ სოსო ოსორაული კონგოში, უკანონო შეიარაღებული დაჯგუფების ტყვეობაში დაახლოებით, 9 თვის წინ ჩავარდა.
