ოპეკმა მცირედით გააუმჯობესა 2017 და 2018 წლებში ნავთობზე მოთხოვნილების ზრდის შეფასება - 30 ათასი ბარელით დღე-ღამეში, ნათქვამია კარტელის ყოველთვიურ ანგარიშში.
გაზრდილი პროგნოზის გათვალისწინებით, მოსალოდნელია, რომ 2017 წელს ნავთობზე მსოფლიო მოთხოვნილება შეადგენს 96,8 მლნ ბარელს/დღე-ღამეში, რაც ნიშნავს 1,5%-ით ზრდას 2016 წელთან შედარებით.
ანგარიშის თანახმად, 2018 წელს ნავთობზე მსოფლიო მოთხოვნილება შეადგენს 98,19 მილიონ ბარელს/დღე-ღამეში (ზრდა წინა წელთან შედარებით 1,4%).
ოპეკის განმარტებით, 2017 წელს პროგნოზის ზრდა დაკავშირებულია ნავთობზე მოსალოდნელზე მეტად მაღალ მოთხოვნილებასთან ეკონომიკური თანამშრომლობისა და განვითარების ორგანიზაციის ქვეყნებსა და ჩინეთში. მომავალი წლისთვის მოთხოვნილების პროგნოზის შეცვლა ასახავს მსოფლიო ეკონომიკაში პერსპექტივების გაუმჯობესებას, კერძოდ, ჩინეთსა და რუსეთში.
