ბათუმის ბულვარში დღეს ძუძუს კიბოთი დაავადებული ქალების დასახმარებლად საქველმოქმედო გარბენი მოეწყო.
ანბანის კოშკიდან სანაპიროს გასწვრივ 6 კილომეტრის მანძილი 120-ზე მეტმა მონაწილემ დაფარა.
აქტივობიდან შეგროვილი თანხა არასამთავრობო ორგანიზაცია „ევროპა დონას“ გადაეცემა, რომელიც დაავადებულ ქალბატონებს დახმარებას უკვე წლებია უწევს.
გარბენის ერთ-ერთი ორგანიზატორის, თამარ ქაჩლიშვილის განცხადებით, ცნობიერების ამაღლება არის ამ ღონისძიების ერთ-ერთი მთავარი მესიჯი. ის მოუწდებს ყველა ქალბატონს, დროულად ჩაიტაროს გამოკვლევა, რადგან რაც უფრო ადრე გამოვლინდება ეს დაავადება, მით უფრო ადვილად შეიძლება განკურნება.
