Lufthansa AG-ი გაკოტრებულ გერმანული ავიაკომპანიის Air Berlin-ის მიერთებაზე დღეს გააფორმებს ხელშეკრულებას.
მოსალოდნელია, რომ Lufthansa იყიდის Air Berlin-ის 81 თვითმფრინავს და ასევე სამსახურში აიყვანს გაკოტრებული ავიაკომპანიის 3 ათას თანამშრომელს.
„დღეს რეალურად მართლაც მნიშვნელოვანი დღეა“, აღნიშნა Lufthansa-ს გენერალურმა დირექტორმა კარსტენ შპირმა Rheinische Post-თან ინტერვიუში.
იმავდროულად გერმანიის უმსხვილესი ავიაგადამზიდავი მზადაა შემოიერთოს Air Berlin-ის შვილობილი ავსტრიული Niki, რომელზედაც Air Berlin-ის გაკოტრება არ ასახულა.
მთლიანობაში გაკოტრებული Air Berlin-ის ავიაპარკი 130 თვითმფრინავს აერთიანებს. სააგენტოების ინფორმაციით, Air Berlin-ის თვითმფრინავების ნაწილს ბრიტანული „ლოუკოსტერი“ easyJet-ი იყიდის.
