საომარი მოქმედებების დროს უგზოუკვლოდ დაკარგულთა კიდევ 25-მა ოჯახმა შეიტყო ინფორმაცია, მათი ოჯახის წევრების მდგომარეობის შესახებ. როგორც პრემიერ-მინისტრმა გიორგი კვირიკაშვილმა მთავრობის სხდომის დაწყებამდე აღნიშნა, 1992-1993 წლებისა და 2008 წლის ომის შედეგად, 2400-ზე მეტი ადამიანია დღემდე, რომელთაც არ იციან, სად იმყოფება მათი უგზო-უკვლოდ დაკარგული ახლობელი.

"25 ნეშტი არის იდენტიფიცირებული და გადმოსვენებული. და ზოგადად პროცესი უგზო-უკვლოდ დაკარგულთა მოძიების და გადმოსვენების ძალიან კარგი ტემპით და პოზიტიურად მიდის. განსაკუთრებით მადლობა მინდა ვუთხრა საერთაშორისო წითელი ჯვრის კომიტეტს იმ დახმარებისთვის, რასაც წევს. ასევე განსაკუთრებული მადლობა მინდა ვუთხრა აფხაზურ მხარეს, რომლებიც მართლაც ყველაფერს აკეთებს იმისთვის, რომ პროცესი პოზიტიურად წარიმართოს და დინამიურად. წინა წლების განმავლობაში მთლიანად მოხდა 101 პირის იდენტიფიცირება და გადაცემა. გადაცემულია მათი ნეშთები ოჯახებისთვის. მხოლოდ წელს 28 სამარხი იქნა გახსნილი და 91 ნეშთი იქნა მოძიებული, მათ შორის 25 უკვე იდენტიფიცირებულია. ამ 25-დან არის საზოგადოებისთვის კარგად ცნობილი სახელები, არიან ადამიანები რომლებიც იცავდნენ სოხუმში უმაღლესი საბჭოს შენობას და რომელბიც იბრძოდნენ გიულ ჟიული შარტავასთან ერთად",- განაცხადა სოზარ სუბარმა.

რაც შეეხება 25 ადამიანის ვინაობას, ისინი არიან:

1.    გაბესკირია გურამ ნიკოლოზის ძე -  მინისტრთა საბჭო/სოხუმის მერი;

2.    ალასანია მამია გიორგის ძე - მინისტრთა საბჭო/სახელმწიფო საინფორმაციო-სადაზღვევო სამსახურის რეგიონული კურატორი;

3.    შენგელია არშაველი ფილიპეს ძე - მინისტრთა საბჭო/ ჟიული შარტავას მოადგილე და მინისტრთა საბჭოს სამდივნოს წევრი;

4.    გეგელაშვილი ვახტანგი ვახტანგის ძე - მინისტრთა საბჭო/მინისტრთა საბჭოს მოადგილე;

5.    პაპუაშვილი გივი არჩილის ძე - სოხუმის რკინიგზის სადგური/მებრძოლი;

6.    ბერუაშვილი ბადრი - მინისტრთა საბჭო/ავღანელთა ბატალიონი (მოადგილე);

7.    მაჩაიძე გოჩა იოსების ძე - მინისტრთა საბჭო/ავღანელთა ბატალიონი;

8.    ფარცვანია ალექსანდრე დავითის ძე - მინისტრთა საბჭო/ აფხაზეთის ვაჭრობის მინისტრის-რაულ ეშბას პირადი დაცვა;

9.    თათრიშვილი გოჩა გურამის ძე - მინისტრთა საბჭო/ავღანელთა ბატალიონი;

10.    ლიპარტელიანი გენადი ვალიკოს ძე - მებრძოლი;

11.    ჯორბენაძე თეიმურაზი ზურაბის ძე - მინისტრთა საბჭო/ავღანელთა ბატალიონი;

12.    კვინიკაძე მერაბი კარლოს ძე - მინისტრთა საბჭო/პირადი მცველების "იუპიტერის" დანაყოფის განყოფილების უფროსი (ჟიული შარტავას დაცვა);

13.    სილაგაძე სერიოჟა პლატონის ძე - სოხუმი/ახალი რაიონი/მებრძოლი;

14.    სოფრომაძე ბესიკი მამიას ძე - მინისტრთა საბჭო/ავღანელთა ბატალიონი;

15.    გოჩიაშვილი დავითი მიხეილის ძე - მინისტრთა საბჭო/ავღანელთა ბატალიონი;

16.    აბსანძე თენგიზი გივის ძე - მინისტრთა საბჭო/ჟიული შარტავას დაცვის წევრი, დანაყოფი "იუპიტერი";

17.    ფარცვანია ვახტანგი კონსტანტინეს ძე - მინისტრთა საბჭო/ აფხაზეთის ვაჭრობის მინისტრის-რაულ ეშბას პირადი დაცვა;

18.    გიგოლაშვილი ომარი ოთარის ძე - მინისტრთა საბჭო/ავღანელთა ბატალიონი;

19.    ხახიაშვილი ნოდარი ვლადიმერის ძე - მინისტრთა საბჭო/ავღანელთა ბატალიონი;

20.    ჭუჭულაშვილი ნუგზარი როლანდის ძე - მინისტრთა საბჭო/ავღანელთა ბატალიონი;

21.    ნადირაძე შალვა მერაბის ძე - მებრძოლი;

22.    მირზაშვილი კობა ნიკოლოზის ძე - მინისტრთა საბჭო/ჟიული შარტავას დაცვა, დანაყოფ "იუპიტერის" წევრი;

23.    შარტავა ელგუჯა გივის ძე - მინისტრთა საბჭო/ჟიული შარტავას დაცვა, დანაყოფ "იუპიტერის" წევრი;

24.    შალვაშვილი ხვიჩა იოსების ძე - მინისტრთა საბჭო/ავღანელთა ბატალიონი

25.    მოსიძე მარია ვასილის ასული - მშვიდობიანი მოქალაქე;