თბილისის საკრებულოსთან აქციაზე დაკავებული „ნაციონალური მოძრაობის“ წევრის, კოტე იოსელიანის სიმამრმა აკაკი ბოკუჩავამ სიძის ადგილსამყოფელის გარკვევა სცადა, შემდეგ კი პოლიციის მთავარ სამმართველოში შესვლა სცადა.
აღნიშნულს დაცვის სამსახურის წინააღმდეგობა მოჰყვა.
„თუ არ გამიგებთ სად არის, მე შევალ შენობაში და მეც დამაკავეთ", - განაცხადა აკაკი ბოკუჩავამ.
სამმართველოს დაცვის სამსახური მას დაჰპირდა, რომ გაარკვევს, იმყოფება თუ არა იოსელიანი სამმართველოს შენობაში. ამ დაპირების შემდეგ, ვითარება განიმუხტა.
კოტე იოსელიანი „ნაციონალური მოძრაობის“ წევრის თინათინ ბოკუჩავას მეუღლეა.
