თბილისის საკრებულოსთან "ერთიანი ნაციონალური მოძრაობის" აქციას "ევროპული საქართველოს" წევრებიც იმყოფებიან. მათი ნაწილი კი ლიდერებთან ერთად პუშკინის სკვერში რჩება.
როგორც პარტიის ერთ-ერთმა ლიდერმა გიგა ბოკერიამ ჟურნალისტებს განუცხადა, ისინი მშვიდობიანი ფორმით აპირებენ გააპროტესტონ საკრებულოს გადაწყვეტილება, რომლის თანახმადაც, პარტიის წევრები საკრებულოს შენობაში არ შეუშვეს.
შეგახსენებთ, თბილისის საკრებულოსთან აქციაზე რამდენიმე ადამიანი დააკავეს, მათ შორის ვაკის მაჟორიტარი დეპუტატობის კანდიდატი კოტე იოსელიანი.
აღნიშნულ ტერიტორიაზე დილიდან პოლიციაა მობილიზებული. სამართალდამცავები ოპოზიციონერ დეპუტატებს საკრებულოს სხდომაზე შესვლის უფლებას არ აძლევენ.
