სურსათის ეროვნულ სააგენტოში ბრიფინგის დროს აზიური ფაროსანა შეფრინდა.
ბრიფინგზე სწორედ აზიური ფაროსანას საკითხი განიხილებოდა.
აღსანიშნავია, რომ სააგენტო ვაკის პარკში აზიური ფაროსანას არსებობას ადასტურებს და აცხადებს, რომ გამოდარების შემდეგ, ე.წ ხაფანგები მთელი თბილისის მასშტაბით განთავსდება. გამოიკვლევენ ტყე-პარკებს, რათა დაადგინონ, არის თუ არა აზიური ფაროსანა სხვა უბნებშიც.
უწყება მოსახლეობას მოუწოდებს, მექანიკურად ებრძოლონ მავნებელს და არ გამოიყენონ ქიმიური ნივთიერებები.
სააგენტოს ცხელ ხაზზე ფაროსანასთან დაკავშირებით, სულ 45 ზარი შევიდა, თუმცა აზიური ფაროსანა მხოლოდ ვაკის პარკში დაფიქსირდა.
