„კვირიკაშვილი და ბოკერია ერთი გუნდია, ერთმანეთთან გარიგებული არიან და რაზე უნდა ვილაპარაკოთ? კვირიკაშვილის მთავრობა უნდა გადადგეს. ამ მთავრობას ჩვენ გადავაყენებთ", - - ამის შესახებ „პატრიოტთა ალიანსის“ ლიდერმა დავით თარხან-მოურავმა დღეს გამართულ პრესკონფერენციაზე განაცხადა.
მან ყოფილ პრემიერ-მინისტრ ბიძინა ივანიშვილთან დაკავშირებითაც ისაუბრა და განაცხადა, რომ მის გუნდს ივანიშვილი არ აფინანსებს.
„ბიძინა ივანიშვილი არ გვაფინანსებს და მითუმეტეს, რუსული სპეცსამსახურები. რუსეთისგან ვინც ფინანსდება, არ მალავს. ეს შურია ჩვეულებრივი, რადგან პოლიტიკურ ველზე არიან პარტიები, რომელებიც ქრებიან. ნათელაშვილის პარტია არსებობს, ორი კაცია სულ პარტიაში? ვინ აფინანსებს შალვას? - მის პარტიებს მოუსმინეთ და გაიგებთ. გზას ვკვალავთ და ხელისუფლებას ვეუბნებით, წადით მოლაპარაკებებზე-თქო. კვირიკაშვილი იმას აკეთებს, რასაც ბოკერია ეუბნება. რა გვსურს ჩვენ? - დაბრუნება თუ გვინდა, ნებისმიერ მოქნილ ნაბიჯზე უნდა წავიდეთ, რომ აფხაზეთი და ოსეთი დავიბრუნოთ. რუსეთი ამერიკასთან და ბრიუსელთან ერთად უნდა ვაიძულოთ, რომ ამ რეგიონში იყოს მშვიდობა.
„ქართულ ოცნებაში" არის ხალხი, ვინც ჩვენს იდეებს მხარს უჭერს და არიან ადამიანები, ვინც წინააღმდეგია. ვინც ახლა ხელისუფლებაშია, "ქართული ოცნება" საერთოდ არ არის - არც კვირიკაშვილი, არც მდინარაძე, არც თალაკვაძე. სახელმწიფოს ის ხალხი მოაჯდა, ვინც "ქართული ოცნება" არაა. ორი წელია, რაც ბიძინა ივანიშვილი არ მინახავს", - განაცხადა თარხან-მოურავმა.
