ბათუმის საერთაშორისო აეროპორტში მგზავრთნაკადის 58%-იანი მატებაა. სამოქალაქო ავიაციის სააგენტოს ინფორმაციით, 2017 წლის იანვარ-სექტემბერში ბათუმის საერთაშორისო აეროპორტმა, რეგულარული და არარეგულარული რეისებით, 428 ათას 314 მგზავრი მიიღო, 2016 წლის იანვარ-სექტემბერში კი - 270 ათას 552 მგზავრი.
სტატისტიკური მაჩვენებლების თანახმად, მიმდინარე ეტაპისთვის, გასულის წლის 9 თვესთან შედარებით ბათუმის საერთაშორისო აეროპორტში მგზავრთნაკადი 58,31%-ითაა გაზრდილი, ხოლო 2015 წლის 9 თვესთან შედარებით კი - 129,21%-ით.
