საქართველოს ცენტრალურ აეროპორტში მგზავრთნაკადის 41%-იანი მატებაა. სამოქალაქო ავიაციის სააგენტოს მონაცემებით, 2017 წლის იანვარ-სექტემბერში თბილისის საერთაშორისო აეროპორტში, რეგულარული და არარეგულარული რეისებით გადაყვანილი მგზავრების მაჩვენებელმა 2 მლნ 440 ათას 67 მგზავრი შეადგინა. ეს იმ ფონზე, როდესაც გასული წლის ანალოგიურ პერიოდში აეროპორტი 1 მლნ 725 ათას 438 მგზავრს მოემსახურა.
სააგენტოს მონაცემებით, მიმდინარე წლის 9 თვეში თბილისის საერთაშორისო აეროპორტში მგზავრთნაკადი 41,42%-ით გაიზარდა, ხოლო თუ კი მიმდინარე მაჩვენებელს 2015 წლის მაჩვენებელთან შევადარებთ, გაირკვევა, რომ 2017 წლის იანვარ-სექტემბერში თბილისის საერთაშორისო აეროპორტი 70,32%-ით მეტ მგზავრს მოემსახურა.
