საქართველოში ნაყინის იმპორტი გაიზარდა.
ოფიციალური სტატისტიკით, 2016 წელს ქვეყანაში 2.04 მლნ დოლარის, 737 ტონა ნაყინი შემოვიდა, 158 ტონით მეტი ვიდრე 2015 წელს.ზრდის მიუხედავად, იმპორტის მაჩვენებელი 2014 წლის მონაცემს 109 ტონით ჩამორჩება.
უმსხვილესი იმპორტიორია უკრაინა - 244.1 ტონით, შემდეგ 2 პოზიციას თურქეთი (236.9 ტონა) და სომხეთი იკავებენ (127.9 ტონა).
ნაყინის შედარებით მსხვილი იმპორტი ასევე განხორციელდა რუსეთიდან - 70 ტონა, საფრანგეთიდან 28.5 ტონა და ირანიდან 19.6 ტონა. ირანული მედიის ცნობით, საქართველო ირანიდან ნაყინის საექსპორტო ბაზრების ხუთეულშია. 2015 წელს ამ ქვეყნიდან 11.4 ტონა ნაყინი იყო შემოტანილი, 2014 წელს კი, 84.7 ტონა.
