ამაზე უფრო კონსტუქციული შეთანხმება მე ვერ წარმომიდგენია, - ამის შესახებ დღეს გამართულ ბრიფინგზე საქართველოს პრეზიდენტმა, გიორგი მარგველაშვილმა განაცხადა.
მისი თქმით, ამის იქით არის უკვე დათანხმება და არა შეთანხმება.
„გულწრფელად რომ გითხრათ, თუ ჩვენ მართლა გვინდა შეთანხმება და თუ ამის სულისკვეთება არსებობს, 6 პუნქტიდან, როდესაც 5 არის ხელისუფლების ინიციატივა და ერთი, რომელზეც ვერ ვთანხმდებით, გადაწყვეტილი კი არა, სამომავლოდაა გადადებული, ამაზე უფრო კონსტუქციული შეთანხმება მე ვერ წარმომიდგენია. ამის იქით არის უკვე დათანხმება და არა შეთანხმება. მე იმედი მაქვს, რომ საქართველოს პარლამენტის დეპუტატები, ადამიანები, რომლებსაც ქართველმა ხალხმა ანდო თავიანთი ცხოვრების განკარგვა და მათ შორის კონსტიტუციის შექმნა, ამ შეთავაზებას გაიაზრებენ არა პარტიულ კონტექსტში, არამედ ისე, როგორც უნდა იქნას გააზრებული კონსტიტუცია. ისინი ხმას მისცემენ ამ საკითხებს არა პარტიული კონიუქტურიდან გამომდინარე, არამედ ხმას მისცემენ თავისი სინდისის, პოლიტიკური მრწამსისა და მომავალთან პასუხისმგებლობის სულისკვეთებით“, - განაცხადა პრეზიდენტმა.
ცნობისთვის, პრეზიდენტმა საკონსტიტუციო ცვლილებების პროექტის ექვს პუნქტს ვეტო დაადო.
