პრეზიდენტის არჩევის წესთან დაკავშირებით, სამწუხაროდ, მმართველ პარტიასა და ოპოზიციას შორის, ასევე მთელ ქართულ საზოგადოებასთან ვერ იქნა მიღწეული შეთანხმება. აქაც, მე გადავწყვიტე არ ვიყო ხისტი და ერთმნიშვნელოვნად არ იქნას წარდგენილი შეთავაზება, არამედ ამ საკითხთან დაკავშირებით შევთანხმდეთ, რომ ვერ ვთანხმდებით და გადავწყვიტოთ არა ერთი ან მეორე ფორმით, არამედ გადავდოთ მომავლისთვის, - ამის შესახებ დღეს გამართულ ბრიფინგზე საქართველოს პრეზიდენტმა, გიორგი მარგველაშვილმა განაცხადა.
მისი თქმით, ერთადერთი საკითხი, რომელიც არის ოპოზიციის საკითხი, არის პრეზიდენტის არჩევის წესი და აქაც არანაირი სიხისტე არ არის გამოვლენილი.
"პარლამენტში წარდგენილია მოტივირებული შენიშვნები, 6-პუნქტიანი შეთავაზება. პირველი ოთხი საკითხი წარმოადგენს ”ქართული ოცნების” ვალდებულებას ვენეციის კომისიასთან, მათი საკითხებია. მე-5 საკითხი არის პოზიტიური ინიციატივა, რომელიც არაერთხელ იქნა განხილული ქართულ საზოგადოებასთან და სადაც ხმები არ იყო საკმარისი, იქ ოპოზიციის ხმები არის უზრუნველყოფილი. ერთადერთი საკითხი, რომელიც არის ოპოზიციის საკითხი, არის პრეზიდენტის არჩევის წესი და აქაც არანაირი სიხისტე არ არის გამოვლენილი. ჩვენ ამ საკითხის მომავალში განხილვას ვთავაზობთ ქართულ პარლამენტს”, - განაცხადა მარგველაშვილმა.
ცნობისთვის, პრეზიდენტმა საკონსტიტუციო ცვლილებების პროექტის ექვს პუნქტს ვეტო დაადო.
